رابط واتساب مباشر مع رسالة جاهزة وباركود
اكتب رقمك والرسالة اللي تبي العميل يبدأ فيها، وخذ رابط يفتح المحادثة معك على طول بدون ما يحفظ رقمك. حطه في بايو انستقرام وتيك توك، أو اطبعه باركود على باب المحل.
اكتب رقم واتساب نشاطك بالصيغة الدولية (مثل 9665XXXXXXXX بدون صفر ولا +)، واكتب الرسالة اللي تبي العميل يبدأ فيها، والأداة تطلع لك رابط wa.me جاهز وباركود QR تحمّله. أي أحد يضغط الرابط أو يصوّر الباركود تنفتح له محادثة معك والرسالة مكتوبة.
الرابط والباركود يتسوّون في جهازك، وما نحفظ رقمك ولا رسالتك.
رابط واحد، في كل مكان يجيك منه عميل
بايو انستقرام
من «تعديل الملف الشخصي» أضف الرابط في خانة الروابط، واكتب له عنوان واضح مثل «احجز عبر واتساب».
بايو تيك توك
تيك توك يسمح برابط موقع في البايو لحسابات الأعمال الموثّقة، وللحسابات العادية اللي عندها 1,000 متابع أو أكثر. إذا ما عندك الخانة، حط الرابط في صفحة روابطك.
إعلاناتك ومنشوراتك
زر «راسلنا» في موقعك، ورسائل البريد، والفواتير، وكروت المحل.
ستوري سناب وانستقرام
ملصق الرابط في الستوري، والعميل يراسلك بضغطة.
الباركود في المحل
على الكاشير، وباب المحل، والمنيو، وكرت الزيارة، وكيس الطلب. العميل يصوّره ويكتب لك وهو واقف.
كيف تسوي رابط واتساب مباشر وباركود بثلاث خطوات
اكتب رقمك
رقم واتساب اللي يرد منه نشاطك. إذا كتبته بصيغة 05، الأداة تحوله للصيغة الدولية اللي يطلبها واتساب: مفتاح الدولة 966 ثم الرقم بدون الصفر.
اكتب الرسالة الجاهزة
هذي الجملة اللي تظهر للعميل في خانة الكتابة أول ما يفتح المحادثة، وهو يقدر يعدلها قبل ما يرسل. خلها قصيرة وتقول وش يبي العميل، عشان تعرف من أول رسالة من وين جاك.
انسخ الرابط أو حمّل الباركود
افتح الرابط من جوالك، أو صوّر الباركود بالكاميرا، وتأكد إن المحادثة تفتح على رقمك والرسالة مكتوبة.
شكل الرابط
https://wa.me/9665XXXXXXXX?text=السلام%20عليكم%20أبي%20أعرف%20الأسعار
الجزء بعد ?text= هو رسالتك بعد ترميزها، والأداة تسويه عنك.
كذا تظهر رسالتك للعميل أول ما يفتح الرابط
رسائل جاهزة تقدر تبدأ فيها
| النشاط | الرسالة |
|---|---|
| مكتب عقار | السلام عليكم، شفت إعلانكم وأبي أعرف المتاح للإيجار |
| عيادة | السلام عليكم، أبي أحجز موعد كشف |
| صالون | هلا، أبي أعرف أسعاركم وأقرب موعد |
| متجر إلكتروني | السلام عليكم، عندي سؤال عن منتج في متجركم |
| مركز تدريب | السلام عليكم، متى تبدأ الدورة الجاية؟ |
الرابط يجيب الرسائل. مين يرد عليها؟
الرابط يسهّل على العميل إنه يراسلك، والخطوة الثانية إن الرسالة تلقى رد بسرعة، حتى لو جات الساعة 12 بالليل. تقدر تبدأ بأدوات تطبيق واتساب للأعمال المجانية (شرحناها في كيف أسوي رد تلقائي في واتساب أعمال؟)، لكنها رسالة ثابتة ما تجاوب على سؤال العميل.
عاقل وكيل ذكي يرد مثل الإنسان على نفس رقمك: يجاوب بأسعارك ومعلوماتك، ويرشّح الأنسب، ويجمع تفاصيل الطلب أو الموعد ويوصلها لك جاهزة. شوف كيف يشتغل مع الصالونات والعقار.
مثال توضيحي
أسئلة شائعة
هل لازم العميل يحفظ رقمي عشان يراسلني؟
هل الأداة مجانية؟ وهل تحفظون رقمي؟
هل الرابط ينتهي أو يتغير؟
wa.me ثابت ما دام الرقم نفسه. إذا غيّرت رقمك، سوّ رابط جديد.تطبيق واتساب للأعمال يعطيني «رابط قصير». وش الفرق؟
كيف أستخدم باركود واتساب؟
كم يكلفني إذا راسلني عملاء كثير عن طريق الرابط؟
جرّب عاقل على رقمك
جرّب 7 أيام مجانًاالباقة الشهرية 299 ر.سكل الأسعارتجرّب وكيلك في محادثة تجريبية قبل ما يكلم أي عميل.